Artesanía-alimentaria

Fariña, nata e azucre de cana ecolóxicos.
E todo o noso cariño.

Quen somos

Un grupo de mulleres que cre neste proxecto, que cada día pon todo o noso entusiasmo e compromiso ao servizo do noso produto, buscando sobre todo calidade e excelencia, en cada unha das fornadas que preparamos a diario, coas nosas propias mans, un por unha cada galleta, convertendo así a cada Maruxa nunha pequena xoia exclusiva.

O noso compromiso coa cultura, a tradición, o desenvolvemento rural e o medio ambiente empúrranos a traballar a cotío por un futuro sostible, un futuro no que coidarnos sexa sinónimo de calidade de vida e gusto polo auténtico.

mano haciendo bolitas de masa

O noso segredo

O noso segredo non é outro que o gusto polo sinxelo e a sinxeleza da nosa receita é a nosa característica principal. Nata, azucre e fariña de selo ecolóxico fundidas na arte do mellor sabor e moldeadas a man, con moita paciencia e agarimo para dar ás nosas Maruxas de Nata un aspecto único e un sabor inimitable

Trabajando la masa
Trabajando maruxas

O noso compromiso

As Maruxas de Nata son algo máis que unha galleta, son o reflexo do noso empeño por poñer en valor todo aquilo que nos define, que identifica á nosa terra, Galicia como sinónimo de arte, cultura, tradición, gastronomía, morriña na distancia...

E por iso colaboramos en distintos proxectos artísticos e culturais para levar o nome de Galicia e o das súas tradicións a todos aqueles lugares aos que chegan as nosas galletas e así conquistar non só padais senón tamén corazóns.

Froito destas colaboracións naceron as nosas Edicións Especiais, nas que o selo persoal de artistas como Leandro Lamas, Branca Vila ou Elga Fernández Lamas diferencian ás nosas Maruxas, converténdoas nun referente de todos eses valores que nos representan.

Edición limitada año xacobeo
Trabajando la masa
Bolitas de masa