Somos patrocinadoras oficiais do Ano Santo Xacobeo 21.22
Temos o inmenso pracer de ser nomeadas como Empresa Patrocinadora Oficial do Ano Santo Xacobeo 21.22. A promoción da cultura e tradicións de Galicia, de todo aquilo que nos define e representa, é algo que forma parte da nosa esencia e marca con moito acento a nosa personalidade. Este recoñecemento ao noso traballo, dedicámosllo a todas aquelas persoas que, coma nós, traballan e esfórzanse cada día máis, por amosar ao mundo a singular beleza e os valiosos tesouros da nosa Terra.
O Camiño de Santiago é o noso evento cultural máis coñecido a nivel nacional e internacional e atrae cada ano a milleiros de persoas en peregrinación a Compostela, todas elas levan un anaquiño de Galicia no corazón, porque unha vez que nos coñeceron xa nunca máis nos poderán esquecer e vaian onde vaian, por moi lonxe que sexa, sempre soñan con voltar.
E se no teu soño particular déixasche acompañar pola nosa marabillosa Edición Limitada de Maruxas de Nata, Xacobeo 21.22 asegurámosche que nunca, nunca, vas querer espertar...
